MAAH E RABI UL AWWAL AAYA NAAT LYRICS

MAAH E RABI UL AWWAL AAYA NAAT LYRICS

 

Maah E Rabi Ul Awwal Aaya
Rabb Ki Rehmat Saath Me Laaya

Peer Ka Din Tareekh Hai Baarah
Farsh Pe Chamka Arsh Ka Taara

Aaj Ki Raat Baraat Rachi Hai
Aamena Ke Ghar Dhoom Machi Hai

Ghar Me Hoore Darr Pe Malak Hai
Jinke Qatare Ta-b-Falak Hai

Thandi Hawa Ka Jhonka Aaya
Shour Macha Ik Salle Alaa Ka

Lo Ab Uthi Gard E Savari
Paide Hue Mehboob E Baari

Rehmat E Aalam Noor E Mujassam
Sallallahu Alaihe Wasallam

Tum Bhi Utho Ab Waqt E Adab Hai
Zikre Wiladat Shahe Arab Hai

Takht Hai Unka Taaj Hai Unka
Dono Jahan Pe Raaj Hai Unka

Jinno Malak Hai Unke Sipahi
Rab Ki Khudai Me Inshahi

Unche Unche Yaha Jhukte Hai
Saare Unhi Ka Muh Takte Hai

Shaho Gada Hai Unke Sawaali
Fakhr Hai Sabko Inki Ghulami

Kaabe Ki Zeenat Inhi Ke Dam Se
Taibah Ki Rounak Inke Qadam Se

Kaaba Ki Kya Saare Jaha(n) Me
Dhoom Machi Hai Kono Makaa(n) Me

Aamena Bi Ko La’al Mubarak
Daayi Haleema Ko Baal Mubarak

Tumko Khaleelullah Mubarak
Tumko Zabeehullah Mubarak

Daan Karo Kuch Jashn Hai Bhari
Darr Pe Khade Hai Saare Bhikari

Darr Pe Hai Haazir Apne Paraye
Aapke Dam Se Aas Lagaye

Chashme Karam Lillah Idhar Ho
Saalike Khasta Par Bhi Nazar Ho

Leave a comment